މި ދުވަސްވަރަކީ ތިއިންކޮންމެ، ވާންއުޅޭ މަޔަކާއި ބަފަޔަކުވެސް ތިބާއަށް ލިބޭނީ ކޮންކަހަލަ ދަރިޔެއްތޯ ހިތާހިތާ ސުވާލުކުރާނެ ދުވަސްވަރެކެވެ. އެގޮތުން ބައެއްމީހުން ޓެކްނޮލޮޖީގެ އެހީގައި ޖިންސު ކަށަވަރުކުރަމުންދާއިރު އަނެއްބަޔަކު ފާޑުފާޑުގެ ބޯދާ ވާހަކަތަކުގެ އަލީގައި ތަފާތު ގޮތްގޮތަށް ހީތަށް ހީކޮށް، ހޯދާތަކެތިވެސް ވަކި ކުލައަކަށް ފައްތާ ހިސާބަށް ދެއެވެ. މިކުއިޒުގައި މިވާ ސުވާލު ތަކަކީވެސް އޭގައި އެއްވެސް ހަގީގަތެއް ހުރެގެން ލިޔެފައިވާ ސުވާލުތަކެއް ނޫނެވެ. ހީ ސަމާސާކޮށްލާ، ތިބާގެ ސިކުނޑީގެ ކުޑަކުޑަ ކަސްރަތެއް ކޮށްލުމުގެ ގޮތުން ގެނެސްދޭ ސުވާލުތަކެކެވެ. މި ސުވާލުތަކުން ނިކުންނަ ނަތީޖާއާމެދު މާބޮޑަށް ފިކުރުކޮށް، ހޯދާ ތަކެތީގެ ކުލަ އެ ނަތީޖާއާ އެއްގޮތަކަށްވެސް ނުގުޅުވާށެވެ. ސަބަބަކީ މިއީ ކުރެވޭ އަލްޓްރާ ސައުންޑެއްނޫނެވެ. ހަމައެކަނި ދެމަފިރިންނާ އާއިލާ އެއްތަންކޮށްލާ ފޯރި ހިއްޕާލުމުގެ ގޮތުން ގެނެސްދެވޭ ކުއިޒެކެވެ. މި ކުއިޒް ތައްޔާރުކޮށްފައިވަނީ އެކި ޒަމާންތަކުގެ މީހުން ބުނެފައިވާ ބޯދާ ވާހަކަތަކުގެ މައްޗަށް ބިނާކޮށެވެ. ކޮންމެއަކަސް ދެން އެނގިދާނެތާއެވެ. އަޖުމަ ބަލާލަން ފަށަމާ ހިނގާށެވެ.